gwinchy

Ngayon ko lang naranasan ang lumabas ng bansa, ganun pala ang pakiramdam, nakakailang dahil hindi mo teriteryo, hindi mo magawa ang mga tatak pinoy na ginagawa mo sa pilipinas, hirap kumilos, hirap magpaka-pinoy, dahil nakakatakot na hindi mo alam baka labag na pala sa batas nila yung ginagawa mo. Last week nagpunta kami ng Hong-Kong, araw ng biyernes March 28, 2008. Umalis kam ng pinas ng 8am, 2nd time kong sumakay ng eroplano kaya hindi na ako gaanong excited, pero ganun pa man ay masarap pa din dahil hindi mo naman araw araw ginagawa yun diba? Maulap noong araw na yun kaya di ko din masyadong makita yung nasa ibaba, tsaka wala kasi ako sa tabing bintana kasi may lalaking nauna na sa amin. 1hr and 45mins ang biyahe, halos kalahating oras pa lang ay medyo bored na ako sa eroplano, buti nalang may dala akong panlibang at may magazine din namang available, yung Mabuhay! Then kumain din kami sa eroplano, pinapili ako ng flight attendant kung pork or fish, yung fish daw nila bangus, pritong bagus, almusal kasi eh, so sabi ko sige yung bangus nalang po, pagbukas ko nung meal, PORK! wow sabi ko! OK na din to, tsaka nalang ako babawi sa bangus. Then eventually inanounce na ng pilot na ilang minuto nalang daw ay lalanding na kami sa HK, pinapakita pa nila sa monitor yung distance ng eroplano sa destination. Yey!!! sabi ko, malapit na din kami sa wakas, ano kayang itsura ng HK? malamig kaya? may snow kaya? Sa bintana palang nakikita ko na yung mga bangka sa dagat, tapos lumanding na nga kami, napakahamog nung araw na yun sa HK, yung mga bundok nababalutan ng mga ulap, hindi mo na makita yung tuktok at manghang mangha ako sa laki ng airport nila dun, as in isang isla yung airport nila http://www.hongkongairport.com/ ayan oh check mo!Safe landing kami kaya lahat naman ay talagang masaya, dami din naming mga pinoy na kasabay sa eroplano, yung iba mga sa HK siguro nagwowork, yung iba naman ay mamasyal lang din kasama ang pamilya nila, tsaka ko lang napansin nung nasa checking na kami ng passport dun sa HK. OK nga dun eh, may free candy sa desk nila, kumuha kami ng 4 na candy! hehehe!

Just waiting for our bags to come…

see…i got my bag!

Pagkatapos namin sa HK airport sumakay na kami ng tren na pagkaganda-ganda at tumungo na kami sa isa pang station ng tren para sumakay ulit ng isa pang tren hanggang sa matunton namin yung Inn na tutuluyan namin…daming palipat-lipat pero masaya naman kasi 1st time nga eh, so manghang-manghang ang inyong lingkod!

viewing outside from the MTR…

haaaaayyyy nyemas kakapagod mag-byahe! I wanna rest first bago simulan ang unang araw ng lamyerda sa HK! I am so excited! sasakay kasi kami sa Cable Car at pupunta kami sa malaking Buddha!

Bakas naman sa aking mukha na nag-eenjoy ako dabah? Kung hindi ako nagkakamali halos 30mins din kaming nakasakay sa Cable Car na yan bago namin matunton ang Giant Buddha, ang sarap sarap kasi nagkataon na mahamog noong araw na yun at hindi mainit, hindi ka papawisan at manlilimahid…